ရေးရန်ရှိသည်။

 ဒီတလောမှာ အလုပ်တွေကြား ဗျာများနေရပါတယ်။ ဪ... ကျောင်းပြန်တက်နေတယ်လို့ ပြောတယ်ဟုတ်? အဲဒီက စာမေးပွဲကလည်း နီးလာပြီဆိုတော့ ကျက်ရမဲ့ အပုဒ်တွေ လိုက်တောင်း၊ ကျူတို ကူးရမှာတွေ လိုက်မေး လုပ်ရ၊ နောက်ဆုံးနှစ်မို့လို့ term paper ရေးဖို့လည်း လုပ်ရနဲ့ တော်တော်ကို အလုပ်ရှုပ်ပါတယ်။ 

ဒီလိုရှုပ်မှပဲ မဖြတ်နိုင်တဲ့ တရုတ်ဝတ္ထုနဲ့ Webtoonတွေ ပြတ်သွားမယ် ထင်ပါရဲ့။ အားတဲ့အချိန် နည်းနည်းလေးကို ဘယ်လိုကုန်ဆုံးရမလဲ... ခါတိုင်းဆိုရင်တော့ တရုတ်ဝတ္ထုဖတ်တယ်ပေါ့၊ ဒါပေမဲ့ အဲဒါက စာရေးချိန် သပ်သပ် ထားနိုင်တုန်းက ဖြစ်ပါတယ်။ အခုတော့ စာရေးချိန်လို့ မရှိတော့တာကြောင့် စာလည်း မရေးဖြစ်ပါဘူးပေါ့။ ဆိုတော့ ... ဟာတာတာနဲ့ နေလို့ မကောင်းပါဘူး။ အဲလိုနဲ့ပဲ webtoon ဖတ်မဲ့အချိန်၊ တရုတ်ဝတ္ထုဖတ်မဲ့အချိန်ကို စာရေးဖို့ ဖြစ်လာပါတယ်။ 

ဘာတွေ ရေးမှာလဲ. . . ကျွန်မ ရေးလက်စ တန်းလန်းတွေကို ဖြတ်မယ်။ ပြီးတော့ ခေါင်းထဲမှာ တေးထားတဲ့ဟာတွေလည်း ချရေးရပါမယ်။ (နို့မို့ရင် တစ်ချိန်လုံး အဲဒီ့အကြောင်းပဲ တွေးမိနေလို့ 😖😖)

ရေးလက်စတွေကို အမျိုးအစားတွေ ခွဲရရင်..

နှစ်ချို့

ဆယ်တန်းပြီးကတည်းက ဟိုတစ်စ ဒီတစ်စ ရေးထားပြီး ကိုယ်ရေးတာ မကြိုက်တာ၊ ပျင်းအီနေတာနဲ့ ဆက်မရေးဘဲ ထားထားတာတွေ ဖြစ်ပါတယ်။

• ခေတ်သစ်၏ သမီးပျိုများ (အနည်းဆုံး သန္တာ တက္ကသိုလ်တက်တဲ့အထိတော့ ပြီးသင့်)
• တောင်ကျိုးငှက်ငယ်

လောလောလတ်လတ်

ဒါကတော့ ဒီနှစ်အတွင်းမှ စထားပြီး ဆက်မရေးဖြစ်သေးတာပေါ့

• အချစ်သည် သက်တံတစ်စင်း ဖြစ်သည်
• ရွှေရန်ကုန်တွင် ရှင်သန်ခြင်းလမ်းညွှန်
• သီချင်းတွေသာ အသက်ရှင်လာခဲ့ရင်. . .

ခေါင်းစဉ်တွေက သိပ်ဆွဲဆောင်မှု မရှိပါဘူး (သိပါတယ်နော်😂😂) ဒါပေမဲ့ အထဲကစာတွေကတော့ ကောင်းလိမ့်မယ်လို့ မျှော်လင့်ရတာပါပဲ။ ဒီနေ့ကစပြီး အားရင် webtoon မဖတ်ဘဲ စာရေးမယ်