Featured post
- Get link
- X
- Other Apps
ကျွန်မ ဒီစာကို အိပ်ရာကနေ ဖုန်းနဲ့ ရေးနေပါတယ်။ ဘာလို့လဲ? ကျွန်မ အပြင်ကို မထွက်နိုင်တော့လို့ပါ။ ကြီးကြီးမားမား ရောဂါတစ်ခုခုလို့တော့ မထင်လိုက်ပါနဲ့။ အဲ.. ဒါက ကြီးကြီးမားမား ရောဂါလည်း ဖြစ်နိုင်ပါတယ်။ လူတွေကသာ သူ့ကို ပေါ့ပေါ့တန်တန် သဘောထားကြတာပါ။ အဲဒါကတော့... အပျင်းရောဂါပေါ့😁😁။
ပူအိုက်တဲ့ နွေမှာတောင် အိပ်ရာက နောက်ကျမှ ထချင်တဲ့ ကျွန်မဟာ မိုးသည်းသည်းမည်းမည်းလည်း ရွာရော "တစ်သက်လုံး ဒီလိုလေးပဲ နေချင်ရဲ့ကွယ်"တေးကို ညည်းပြီး လုပ်စရာတွေအကုန် ဘေးဖယ်၊ စောင်ကလေးကိုခြုံကာ တရုတ်ဝတ္ထုကလေးနဲ့ နှပ်နေပါတော့တယ်။
ဪ... ဒီအကြောင်းကို တောထဲက တော်လှန်ရေးသမားတွေများကြားလိုက်ရင် ဘယ်လောက်တောင် ယူကြုံးမရ ဖြစ်လိုက်လေမလဲနော်...
အခု ဒီစာကို ရေးတာတောင် မနက်၅နာရီခွဲတိုင်း စာတစ်ပုဒ်ရေးရမယ်ဆိုပြီး စိတ်ပိုင်းဖြတ်ထားလို့ ရေးနေရတာပါ။ (နို့မို့ရင်တော့ ကျွန်မ blogမှာ စာတစ်ပုဒ်မှတောင် ရှိမှာမဟုတ်🤣)
Comments
Post a Comment